Plantun de Prouvènço

Pèr coumpara dos planto d'encò nostre

Carex leporina & Oenothera glazioviana

Carex leporina

Cyperaceae

Nom en français : Laîche des lièvres.

Descripcioun :
La queirello-de-lèbre trachis dins li prado e pelouso umido de mountagno (au nostre). L'enflourejado, brunello, longo de 2 à 3 cm, caup 3 à 7 espigo, en generau sarrado, que dounon d'èr à de pato de lèbre.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 2 à 3 cm
Flourido : Printèms - Estiéu

Sòu : Si
Autour basso e auto : 0 à 2600 m
Aparado : Noun
Mai à juliet

Liò : Prado umido - Bos umide - Pelouso
Estànci : Mesoumediterran à Subaupen
Couroulougi : Éurosiberiano
Ref. sc. : Carex leporina L., 1753 (= Carex ovalis Gooden., 1794 )

Rougeto(di-gràndi-flour)

Oenothera glazioviana

Onagraceae

Autre noum : Erbo-dis-ase.

Nom en français : Onagre à grandes fleurs.

Descripcioun :
La rougeto-di-gràndi-flour trachis majamen dins lou limas en ribo d'aigo ounte flouris au printèms, es à dire mai d'ouro que si cousino (coume Oenothera biennis que flouris en estiéu). Se recounèis eisadamen à si petalo mai grando (45 mm), à si boutoun mai prim, sa coulour mai roujo e subretout à soun estigmate en crous, pu long que lis estamino (fotò).

Usanço :
Soun óurigino s'atrouvarié dins un mestissage (ibridacioun) dins un jardin en Éuropo e se sarié espandido dins lou mounde. A li mémi prouprieta que la rougeto, Oenothera biennis.